De beste Kroft

I' sog da': de beste Kroft
is' a guate Partna'schoft,
du kau'st hiatzt denka, wos du wü'st,
du host do de beste Hü'f.

Weu': hau'm de olle Freind' valoss'n
und du host an guat'n Partna' einigamoß'n,
wos gibt 's do Scheina's auf da Wö't?
Du braugst dazua nua' d' Liab und goa' koa' Gö'd.

Wichti' is', du kau'st mit wen red'n,
weu' ausred'n mitanaund, des is' hoi't a Leb'n.
Waunst du bist aus iagandan' Grund alloa',
is' hoi't oi's koa' richtig's Toa'.

D'rum soi't ma a jede Partnerschoft guat pfleg'n,
nua' oi'weu' positiv muasst d' bleu'm und red'n.
Des hü'ft dia' im gaunz'n Leb'n oi'weu'
und die Partna'schoft bleubt heu'.

Bedenk za jeda' Zeit
und moch dein' Schatzi koa' Herzileid,
denn Liab' is' wia des tägli' Brot,
host und kriagst du koani, host d' oi'weu' Herzensnot.

D'rum denk drau' - jede Sekund'n, Minut'n und Stund -,
wia st' dein Liabling gern ho'm kunnt'st.
Tua liawa' nochgeb'n
oi's streit'n a gaunz's Leb'n.
Weu' liegt dei' G'spaun amoi' in Grob,
daun is' fia' jed'n Voa'sotz z'spot!

Quellen

Hans Pichler, Hofedl