De Fünf Taus'nda

Kimst du ins Yschpatoi,
des is' umgrenzt va fünf oa tausenda Berg amoi.
'S Yschpatoi is net e'm,
d'rum tuat's a wenig Nöwi geb'n.
Da Ostrong mit'n Peustoa,
dea muaß efta an Rumpla toa,
ea is 1061 Meta hoch
und aus Gneis, der gibt net noch.

Hint'n is mit 1022 Meter da Ochs'nstrauss,
va den siacht ma net so guat aus.
Nua 1004 Meta hoch is da Koit'nberg,
ea is va de Berg unsa Zwerg,
daun haum ma des Hochwood,
des schaut mit seine 1017 Meta ins Yschpatoi do grod.
Do is da Weinsberga Granit dahoam,
de Stoa mit de Zwilling dea hoit do ois zaum.

Da Burgstoa is a wenig o'gleg'n,
er schaut a umi Richtung Dorfstett'n,
der is Tausenddreizehn Meta hoch
und de Einschlüss van Fei'granit de geb'n net noch.

Den Fei'granit den haum's g'numa de Stoametz daun,
fia Graund, Krautbodin, Sautrog und Stoabo'n zan bau'n.
Fünf Tausenda Berg de haum ma,
owa zwisch'n de is grea, fruchtboa und net laa'.
De aundan haum oan fünf Tausenda Berg,
owa da Grun fia a Fexat is nix wert.
So samma froh das ma de fünf Oataus'nda Berg haum,
weu de hoit'n unsa Yschpatoi schei zaum!

Zusatzinfo

Die fast gleiche Seehöhe der fünf Taus'nda kommt daher, dass das südliche Waldviertel einmal Küstenland gewesen ist und der Meeresspiegel um ebendiese tausend Meter höher lag. Durch die Wassererosion wurden alle Erhebungen gleichgehobelt, egal aus welchem Ausgangsmaterial der geologische Untergrund bestand. Das Yspertal, die Pögstaller Weitung und das Weitental wurden erst später (von einem Donauvorläufer) durchgegraben.