De Brickl

In Hofedl haum de sieb'n Häusa s'Wossa van Boch,
des woa a so a b'sundare Soch'.
Es gibt koan' Brunn' und koa' Quell'n,
es tuat hoit üwaroi fehl'n.
Des Wossa nimmt ma van Boch,
drum hot ma d' Brick'l g'mocht.
Ban Wehrboch, do woas goa net hoch,
des Wossa hot ma mit de Put'n Hoam trog'n.
Mia hot braucht schau sei Zeit
und woas steu', do woas goa koa Freid.
In Winta' ba Eis und Schnee
woan öfta de Fiaß' in da He'h,
de Aungst woa ries'ngroß,
dass ma in Boch foit und mia woa patsch noss.
So woan de Hofedla' do olle froh
und koana reat den Brick'ln noch.
A Wossaleitung wiad groß baut
und de Umgebung hot a mitbaut:
Se woan aum Wehrboch a schene Zier,
owa fia de Weiwaleit woans guat goa nia,
des Wossa van Boch hot a jeda braucht a',
fias Vich, d'Leit zan wosch'n und zan kocha a.
Guat is, dass de Zeit voabei
und s'Wossa kau a zan trinka sei'!

Zusatz-Info

• Brick'l = Kleine Brücke
• Put'n = Holzgefäß zum Wasser tragen
• Hoam = Heim
• Fiaß = Füße
• Heh = Höhe
• reat = weint
• Weiwaleit = Frauen
• Wehrboch = Mühlbach für Sägen, Mühlen und Schmieden

Quelle

Hans Pichler, Hofedl