Daunkschei'

Aus Landschaftsgeschichten
Version vom 17. Februar 2018, 19:34 Uhr von Christof K (Diskussion | Beiträge)
(Unterschied) ← Nächstältere Version | Aktuelle Version (Unterschied) | Nächstjüngere Version → (Unterschied)
Zur Navigation springen Zur Suche springen

"Danke" soi't' ma oi'weu' sog'n,
in oi'n Lebenslog'n.
"Danke" is' a schein's Wort,
sog'n soi't' ma 's oi'weu' foat und foat.

"Danke" is' net laung,
außa mia sogt: "An schein' Daunk!"
"Danke" mocht an' jed'n a Freid',
und hot ma a' nu so wenig Zeit.

"Danke" hea't a gern da Dicke,
des is' amoi gaunz richti',
owa a' da Dinni hot des gern,
kimmt a aus da Noh' oda a aus da Fern' .

"Danke" mog 'a da Launge,
der hot driwa' keine Baunge,
und a' den Kurz'n mocht des nix,
des steht auf jed'n Foi' sicha fix.

Schaust d' mit daunkbore Aug'n in 'n Kindawog'n,
tan des de Baby a' recht guat vatrog'n.
se schaun de' mit große Aug'n au',
do hängt a' da Daunk schau' drau'.

"Danke" mog a jedes Kind a',
waun 's a' oft nu so vazog'n wa'.
A' da Teenager tuat Daunk gean hea'n,
nua is a mit de Gedaunka' oft gaunz fern.

"Danke" g'freit a' Dirnd'l oda Buam,
außa' ea' is' a rechta' Suam.
Tuat oana' in Leb'n recht vü' wea'n,
so tuat a "Danke" a' recht gern hea'n.

Und a' da kraunke Greis
hot "Danke" gern auf sei' Weis'.
Fia' 's "Danke"-Sog'n ba Groß und Kloa',
foi't aus da Kron' koa Stoa'.

"Danke" kimmt ba Frau und Mau'
und olle Leit guat au',
"Danke, danke" sog i' za dia,
owa bitte, bitte va'giß hoit nia'!

Quellen

Hans Pichler, Hofedl