Da Mistwog'n

Buama-Stik'l!

Ollas braucht sei Zeit
und is oft oana goa' z'gscheit,
sein Dämpfa braucht a daun
und er faungt va vorn meistn's wieda aun.

So hot so mauncha schau auf d'Nocht,
se de Oawat a nu g'mocht
und hot a Fad'l Mist aufg'lod'n,
auf sein oit'n Mistwog'n.

Do' in da Friah do woar a weg,
da Wog'n und a da Stoi'dreck.
Es rennt da Bau' ums Haus,
do siacht a do, oh Graus,

des Fad'l Mist mit'n Wog'n,
steht aum Hitt'ndoch do drob'n.
Va'zweuf't is er daun,
"wos faung denn i hiatzt au?"

De Bäurin sogt: "Hiazt hosta's du,
weust oiweu sogst "nu nu,
loß stei, i hüf da nit dabei,
tama liawa heit wos ban Hei"!

Do' ba da Nocht, do geht's um de Hitt'n zua,
es roast mit da Putt'n, Bua fia Bua.
De raman do ob'n den Mist mit'n Wog'n weg
und herunt' steht wieda da Mistwog'n mit'n Stoidreck!

Quellen

Hans Pichler, Hofedl