Da Gehörstua'z

Aus Landschaftsgeschichten
Zur Navigation springen Zur Suche springen

Neilich is' eascht g'wes'n,
es woa in koana Zeitung z' les'n:
Ba da Scheubtruha geht de Luft aus - koa' Malheur,
do richt ma s' hoit wieda hea'.

Owa ba den Rad'l woa da Maunt'l dowit deckt,
des is' ba an soichan' Herricht'n goa net nett.
Schau' efta hot de Luft des Weite g'suacht,
und der s' braucht hot, dea hot g'fluacht.

Dea liawe Mau' hot wia g'sogt nu a Log' einitau',
und do faungt des Malheur hoit richti' au',
de Pump'n woa oi't und gebrechli',
des Aufpump'n dau't laungmechti'.

Auf oamoi' mocht' s an Knoi',
und d' Luft woa weg auf jed'n Foi',
weg woa des G'hea' ba unsan Mau',
es heat se' fia eahm schlecht daun au'.

Laung hot a g'litt'n mit sein' Tinitus,
und mit 'n Hea'n woa a' fost Schluss.
D'rum soi't ma sowos nia dowit mocha,
und es kimmt ba sowos nia zan Krocha!

Quellen

Hans Pichler, Hofedl