Da Dürre Bam

Aus Landschaftsgeschichten
Version vom 6. April 2022, 09:47 Uhr von Christof K (Diskussion | Beiträge)
(Unterschied) ← Nächstältere Version | Aktuelle Version (Unterschied) | Nächstjüngere Version → (Unterschied)
Zur Navigation springen Zur Suche springen

Es is' passiert vor laungen Johren,
de domoi's nu' koane Yschpa'tola' woar'n.
So maunche Orbat mochan de daun glei',
waun s' a' do nu' ziemli' nei.
Oana' eah' daun zuatrog'n hot,
ob s' schneid'n kinan mit da' Ziagsog'.
Do sog'n s' natia'li' "jo" dazua,
und fia's erschte, do woa' 's g'mua'.
A feste Jaus'n, a wen'g fett is' s' zwoa',
owa' domoi's koana' hoakli' woar.
Koa' Aungst voa'n Cholesterin hot 's 'geb'n,
weu' domoi's woa' nu' nix van guat'n Leb'n.
Den Woi'd voa'zoag'n, des wia'd nu' g'mocht,
da Mau' hot d' Freid und ea' daun locht.
Bevor a' geht, wünscht daun ea' nu' a guate Zeit
und auf d' Nocht gibt 's a poa' Bier oft heit.
Des san' do Bama, dürre,
denn de hau'm koa' Nod'lzierde.
Und so stengan s' voa' an Bam, de zwoa,
der in Wirklichkeit a Lerbam woa'.
Se schneid'n und werkan wia a Wüda'
und schneid'n oan Bam um den aundan nieda'.
Do kimmt da Förschta' und sogt: "Geh Noa',
des is koa' Brennhoi'z, sonda'n a Tischla'woa'!"
Es is' oft schwa' fia' soi'che Leit',
de dahoam woar'n, wo da' Nod'lbam goa' weit.
Wo im Woi'd nua' Staud'n stengan daun,
owa' da oane hot sicha' g'lernt davau'!

Zusatzinfos

  • g'mua' = genug
  • hoakli' = heikel, heiklig, anspruchsvoll, verwöhnt
  • Bama = Bäume
  • Lerbam = Lärche, Lärchenbaum
  • Noa' = Narr
  • Tischla'woa' = Tischlerware, erstklassiges Möbelholz
  • Staud'n = Staude (eigentlich ein mehrjähriges Kraut), in der Forstwirtschaft oft abschätzig für "Laubholz" verwendet

Quellen

Hans Pichler, Hofedl