D Zaug

A Zaug, des muas i da sog'n,
des is wos ma via g'spaunt hot voa an Wog'n.
Ross, Ochs'n oda Kiah,
aune de geht's nia.

Noch'n letzt'n Kriag is g'wes'n,
do woa ba oan koa Zaug, des kaust vagess'n,
drum schickt er sein Schwoga
za sein eignen Vota.

Er sogt: "Geh hoi ma va mein Votan Zaug!"
Der hot daun fia des Stikl Weg a net laung braucht.
Sogt a daun: "Du mia brauchatn d'Zaug auf jed'n Foi'".
"Jo jo", sogt a, "du geh aussi, nimm da 's, is e in Stoi'".

Hiatzt geht a hoit in Stoi' und schaut se' um,
jo vaflixt, wo is dan des Trumm.
Er steht und schaut a wenig
und hot se denkt, jo wos brig i den.

Do muas i nuamoi' frog'n,
sunst is ba dera Mundoa't jo zan vazog'n.
Es erklärt eahm daun da Bau',
wos a Zaug is, gaunz genau.

De Zaug spaunt ea daun au'
und is g'foah'n mit seina Zaug davau.
Erfoah'n hot äuwa' d'Mundoat nu vü dano'
und is glikli und seli' woan daun do.

Zusatzinfos

• de Zaug = Zugtiere für Pflug und Wagen
• Stoi' = Stall
• nuamoi' = nochmals

Quellen

Original Hans Pichler, Hofedl