D'Haundgraunot'n

Aus Landschaftsgeschichten
Zur Navigation springen Zur Suche springen

Wia 's noch'n Kriag oft schau' g'fährli woa,
find'n a poa Buama a Haundgronot'n goa'.
In Stroß'ngrob'n is g'leg'n,
und do haum's de Buam hoit g'seg'n.
Se faungan zan sinnier'n au':
"Wos moch ma mit dera daun?"
Da oane sogt: "Du mia soin des Heis'l ausputz'n,
do kunnt uns de Haundgronot'n vialeicht wos nutz'n!"
Jo jo des Heis'l is e a Schaund,
steht eh hinta da Hitt'n ba da Graum,
um des Heis'l is eh nimma schod',
schief steht's, nimma grod.

Daun san des so G'schicht'n,
muast du oamoi do dei' Notdurft va'richt'n,
tuast du do länga' hucka,
kau'st de nochher va lauta Kreizweh nimma bucka.
Zoig'n tuat's wia in an Vog'lhaus,
ba de Luckan vloig'n d' Vög'l ei' und aus.

Um a soichas Heis'l tuat sa se do drah'n,
wo de Buam den Dreck hätt'n soin aussi zah'n,
Do stö'n ma uns hintas' Eck
und sprengan hiatzt des Heis'l weg.
In Zünda aussa zog'n
und schau is de Haundgronot'n g'flog'n.
Auf oamoi hot's an Krocha tau
und de Trimma floig'n davau.

Sogt da oane zan aundan: "S'Heis'l haum ma hiatzt ausg'fiat."
Da Zweite sogt:" Du do hot se hiatzt wos g'riah't"!
Do aus dem Trimmahauffa
greut auf oamoi ea Oma aussa,
do voa lauta Schreck,
bleubt ea do de Spucke weg.
De Oma sogt: "Woa des a Graus,
wa' ma dea in da Kuch'l kemma aus,
hätt's mi net so druckt do drinn',
wa hiatzt de gaunze Kuch'l hi'"!

Quellen

Original Hans Pichler, Hofedl