Bäckerei und Gei'
Goa' net recht neich
woa'n ba uns de Bäckerei'n.
Friaha hot 's a Maß'l geb'n,
des woa' ba'n Bäck' meist'ns stot'n Wäg'n.
Do hot da Bäcka' genau g'wisst,
wia vü' Brot oda' Sömme'n des is'.
Da Bochtrog woa' meist'ns aus oan' Staumm,
außag'hockt hot 'n da Zimma'maun.
'In Bochofa hot ma aus Ziag'l g'mau't,
weu' den hot ma greßa braucht.
Es woa' ba so oana' Bäckarei
a moad's Hoi'zzoa' dabei.
Do woa daun schau a wos drau',
weu' ma mit an grea'n Hoi'z jo net bocha kau'.
Da Bäck' hot des Hoi'z jo oft a söwa aufg'ramt
und hot a Joa' hi'fia schau 'plant.
Is' des Brot und des Gebäck guat woa'n,
daun is' da Lea'bua' mit 'n Bug'lkoa'b ins Gei' g'schickt woa'n.
Meist'ns woa' da Bug'lkoa'b greßa' wia da Bua',
do hot 's g'hoaß'n: "de Moasta kriag'n jo net g'mua."
Es sogt nix, wos fia' Moasta bessa' woa,
g'hoaß'n hot 's: "da Bua' muass baria'n, des is' kloa'."
Schiefa' und Haida', de woan in Moa'k',
da Netta in Yschpa und in Stangles da Sie'mhand'l goa'.
Des woa' des guate oide Leb'n,
do hot 's nua' Hoizschuah' - Bundschuah' geb'n.
Es woa de Guate oide Zeit,
owa scheina haum ma 's heit!
Zusatzinfos
- goa' net = gar nicht
- Maß'l = Bäckermaß - alles, was eine Blechgröße Platz hat
- wäg'n = wiegen
- Bochtrog = Backtrog
- Bochofa = Backofen
- g'mau't = gemauert
- Hoi'zzoa' = trockener Holzstoß zum Heizen für den Bäcker
- grea's Hoiz' = grünes frisches Holz
- aufg'ramt = Holz gemacht
- hi'fia = im voraus
- Gei' = Gäu (hier: Rayon, Zustellbezirk)
- Bug'lkoa'b = Korb, der am Rücken getragen wurde
- baria'n = parieren, folgen
- Moa'k' = Altenmarkt
Quellen
Hans Pichler, Hofedl
