Buama Stick'l

Aus Landschaftsgeschichten
Version vom 5. März 2018, 00:34 Uhr von Christof K (Diskussion | Beiträge)
(Unterschied) ← Nächstältere Version | Aktuelle Version (Unterschied) | Nächstjüngere Version → (Unterschied)
Zur Navigation springen Zur Suche springen

A Buamastick'l woa' zu seina' Zeit
a Ausdruck gewissa' Lustigkeit,
Besonderheit'n woan do g'wiss,
mit Schlechtigkeit'n o'tau', so wia 's is'.

Hot oana Wog'n- oda' Pflua'gredarat net g'schmiat,
so hot eahm den next'n Tog a g'wissa Duft verwia't.
Ausspauna hot ea' miassen daun sein Wog'n,
denn den G'staunk hot a' auf Dauer net vatrog'n.

De G'schicht des woa' de Achs' net g'schmiat,
hot des de gaunz'n Noban g'stia't,
weu do haum de Rad'l g'reah't,
und des hot des hoiwe Doaf daun g'steat.

Waun owa' oana' Hoi'z hot g'stoin, muasst d' wiss'n,
den hot 's sicha so maunch'n Kuch'lofa' z'riss'n,
denn do haum s' g'lont des Kuch'lhoi'z,
und weg woa' daun da Ofa', da Kuch'lstoi'z.

Do hot des Weiwaleit daun oft g'ment,
und da Ofasetza, dea is in des Haus daun g'rennt,
owa ba den nämlich'n Haus,
doat rauckt 's ba den Rau'pfaung a Rand'l net aus.

In den Haus hau'm se 's net dalitt'n
und hot mit sein Votan g'stritt'n.
Du muasst an Votan g'hobt hom', sogt eahm 's eini,
da Vota sogt: "an g'scheita'n schau' a's wia da deini'!"

Quellen

Hans Pichler, Hofedl