Brunnmocha'

Aus Landschaftsgeschichten
Zur Navigation springen Zur Suche springen

A Brunn'mocha kimmt ba'n Umbruch hoam,
wo koa' Postauta geht und koa a Oawat haum.
Sei' Sun', dea wos in St. Pölt'n woa,
dea kau' net in d' Glaunzstoffwerka foah'n.
Da Brunn'mocha sogt: "So kau's net weita gei',
weu' a Oawat und a Va'dienst, der muass sei'!"
So hot da Brunn'mocha so maunche Va'bindung g'hobt
und hot Brunn' daun nochanaunda g'mocht.
Oi's erschta' san s' g'gaunga' um an Bam in Woi'd,
wo da Kern in d' Mitt'n foi't.
Da Brunn'mocha hot des schau' va' da Weit'n kennt,
wo da Bam grod und da Kern in da Mitt'n rennt,
dea' wiad umg'schnitt'n mit da Ziagsog',
des woa domoi's goa' koa' Frog'.
Motoa'sog hot 's jo laung nu net geb'n,
ollas is nu gaunga mit da eig'nen Kroft im' Leb'n.
Da Fort'l hot des Haundwerk trüb'n,
dea des net kinna' hot, is' iwa'blüb'm.
So kemman da Brunn'mocha und da Koa'l sei Bua,
mochan Wocha fia' Wocha Brunn' um Brunn', es is koa' Ruah'.
Weu' a jeda' red't de zwoa au',
ob ma a' ba ea' den Brunn' hea'richt'n kau'.
De Brunn'bohra, de woa'n zwora'hoi'b Meta' laung,
und wichti' woa a' a Hoas'lbaunk,
a poa' Schrag'l, de haum s' schnö' zaumg'mocht,
damit s' ea'n Zeig daun haum leichta' weita'brocht.
De Steigroah' woan via' Meta' laung',
und zaum hot ma s' mit a' Metoibix'n g'mocht daun'.
Brunn' zan richt'n gibt 's do Ort fia Ort,
weu da Brunn'mocha woa' in Kriag jo foa't.
Hoi'zreah'n hot oana aum Tog viaz'g Meta' 'boaht
und Tog fia Tog hot ma mit Feahra'n und Lea'bam' g'oawat',
g'schaut hot ma oi'weu', ob da Bohra' aum Kern
und wia de Schoa'tn wea'n.
Se haum a' den Pump'nstüfi' g'mocht
und dass 'in Koib'n dicht haum brocht,
de Schöpfstaungan woa'n aus Hoi'z und 1,5 cm dick,
mit Kupplungan zaumg'mocht, des woa' a Oawat und net a Glick.
Des Schaffa'l woa aus E'lan g'mocht,
des des Wossa in d' Heh hot brocht.
Da tiafste Brunn' in unsara Geg'nd,
dea is ba da Annakia'cha in Pöggstoi' g'wes'n.
G'seg'n hot ma va' den oi'n fost nix,
denn des woa' in Brunn' d'rin - des woa fix.
Es woa' nua' da Kopf zan seg'n,
weu' des aundare is' in da Erd' drin' g'wes'n.

Zusatzinfos

  • Brunn'mocha = Facharbeiter Für Brunnen
  • Umbruch = im Volksmund: Kriegsende
  • Suh' = Sohn
  • Oawat = Arbeit
  • Glaunzstoffwerka' = Viskosefaser-Werk der Glanzstoff Austria in St.Pölten (1906-2008)[1]
  • Va'bindung = bekannt sein in der Umgebung
  • Woi'd = Wald
  • Ziagsog' = Zugsäge
  • koa' Frog' = keine Frage - alles klar
  • Vort'l = besonderes Können einer Arbeit, handwerkliches Geschick, Trick, vorteilhafte Technik
  • Hoa's'lbaunk = Heinzelbank - Werkbank zum Draufsetzen, wo man mit dem Reifmesser kleine Arbeiten verrichten konnte
  • Schrag'l = Holzböcke zum Auflegen der Werkstücke
  • Feahra'n = Föhren (Kiefern)
  • Lea'bam' = Lärchen
  • Pump'nstüfi' = Pumpenstiefel (Kolbenrohr)
  • E'lan = Erlen
  • Schaffal' = Eimer aus Holz mit Griff
  • Ziagschweng'l = Holzstange am Pumpenhebel zum Ziehen
  • Wossaroah' = Wasserrohr als Ausguss
  • Kinna = Das Können

Quellen

Hans Pichler, Hofedl

nach Auskunft von Hubert Frühwirt, dem Sohn des Brunnenmachers, wohnhaft in Parming, Yspertal

Einzelnachweise

  1. Wikipedia: Glanzstoff Austria