Bruckmühlsog

Bruckmühlsog', Hoffsaag', kurz Pruggmühl' -
de Naumen woar'n do schau' des sö'we Zül.
Bruckmühlsog woa' amoi' ba da Rohregga' Herrschoft g'west,
um 1676 woa' dabei mit 29 Togwerk' Grund des best',
Zwouhundertzwölf Gulden woa' da' Preis,
ocht Unterthanen kaffan de Soog' um 26 Gulden und 30 Kreuzer gleich.
Dabei woa' da Eckbau, Geratsleh'n und da Häus'lhof,
Hinterleit'n, Lehna', Owa'- und Unta'grub und Urhangsthof.
Dem 16. Oktober 1690 va'kafft hochgnädige Herrschaft
gehobte Hoffsaag' doselbst an der Pruggmühl de Sog',
wos den Käuffern ordentlich ausgezeichnet und vermacht hot,
saummt den dabei erbauten Hausstock.
Waun 's owa' finsta' is' 'woa'n auf d' Nocht,
hot da' Soog'schneida' a' Schluss g'mocht.
So sogt de hochwürdige Herrschaft daun,
sunst faungan s' mit 6 Reichstola' zan Strofa aun.
Za Michaöli wia'd daun kassier't,
ba da Yschpara Herrschoft, doa't, wo 's ei'zog'n wia'd.
Die Bruckmühlsog' hot 's g'geb'n bis in de Ochz'ga-Joah',
domoi's is' va'kafft woa'n, des is' kloa'.
De Sog', de is' da' Gemeinde Yspertoi' va'kafft woa'n,
und d'raus is' des Haus der Feuerwehrjugend woa'n.
So g'kea't der Grund und Bod'n da' Oi'gemeinheit
und is' guat g'nutzt, und des is' a Freid'!

Zusatzinfos

• Togwerk' = Tagwerke - die Fläche, die man mit einem Ochsengespann an einem Tag pflügen kann (auch Joch genannt), je nach Region ca. 30 - 58 Ar
• Michaöli = Michaelistag, Feiertag des Erzengels Michael, 29. September

Quellen

Hans Pichler, Hofedl