Blümlhuawa

Aus Landschaftsgeschichten
Zur Navigation springen Zur Suche springen

1889'g kimmt ea auf d'Wö't,
ohne Socha und aune Gö'd,
im Grobnweg da kloani Flori
noch St Leonhoat ois Gärtnaleabua ziagt's 'n hi'.
Kimmt daun a' zan Kaiserlich'n Mülitäa',
ois Gärtna begehrt woa a do ea.
Ea' lernt van Fischalehna kenna sei Barbara
und Heirat's mit 46 Joa daun a',
san' daun in Oit'nmoakt in da näh ban Deuschl,
auf Nummera 29 in an kloan Miets'heis'l.
Ea faungt daun ins Gart'ln au',
dea guate brave Mau',
ziagt Solot,Kraut,Kolrabi und Karfioi'
und des gelingt eam recht guat woi'.
Hü'ft a' in Leit'n ba da Oawat und ban Wies'n mah'n
und faungt mit drei Goaß und a Sau zan Wirtschoft daun.
A mit de Bluman kau a guat Umgeh'
und seine Bluman de wean' wund'asche.
Ea tuat a Obstbam Pötz'n und Schneid'n
und Kundschoft kimmt va olle Seit'n.
Oawat'n tuat a daun ban G'schloss,
untan Baumoasta Laundstetta mocht a dos.
1958 kaft de Tochta Rosi, des Haus,
va da G'moa, daun san' de Soag'n aus.
Du wiast as kam Glaub'n,
dea Mau', ziagt a nu Taub'n
und host domois wos va an Dokta braucht,
Zwoa Taub'n ois Au'gob, ea Wirkung tan hot auch.
Da 15.Dezemba 1944 des woa a grauslicha Tog,
144 Bomb'n haum de Glosscheam ins Siasse Kraut brocht,
do san nämli' in gaunz'n Moakt de Fensta brocha,
es woa Kriag, do kaust nix mocha.
Es hot in Oit'nmoakt und Yschpa koane Valetzt'n geb'n,
des woa fia unsa Geg'nd woi Gottes Seg'n!

  Da Blümehuawa is 81 Joa oit woan
und kau a ereignisreich's Leb'n heazoag'n!!

Zusatzinfos

  • Socha = Habgut
  • Flori = Florian
  • Mülitäa = Militär
  • Fischalehna = Fischerlehen [Hausnamen]
  • Oit'nmoakt = Altenmarkt
  • Siasse Kraut = Süßes Kraut, Krautgericht mit Mehlschwitze
  • Glosscheam = Glassplitter
  • Blümehuawa = Spitzname, da er mit Garten und Blumen gut arbeiten konnte

Quellen

Hans Pichler, Hofedl