Ban Dokta

A Ehepoa' ban Dokta

"Du, host du den kennt?"
"Jo, dea' is' eh ba uns amoi' umatum g'rennt."
"Jo waun?" "Du, des is laung schau' hea',"
des sogt za iah' iah' Mau' daun, ea':

"So laung wia'd des net sei':
ba da' Kin'abeihü'f' woa' des, jo mei!
Und hiatzt", sogt a', "hau'm ma d' Rent'n,"
so hea'st eahm, "zwoanz'g Joah' hau'm ma 's," tuat a' ment'n.

Ea' sogt: "A so a Wei'
red't van Ess'n und Kocha eh a' glei',
oda' van Gart'l draußt, wos s' do oi's hot,
wos mocha' soi't' mit den vü'n Solot."

Wea' g'stoa'm is va' friaha' hea',
daun sogt s' goa': "Du, in Gart'l faungst d' ma d' Schea'
und d' Zimma'tia' muast d' schmia'n, des kea't a' nu' g'mocht,
weu' 's ban Auf- und Zuamocha' so kna't und krocht."

"Du," sogt ea': "Wos host dan fia' Pui'va'l 'kriagt,
gib d' Soi'm hea' fia' mei' Hax'n, weu' 's so ziagt."
Sogt sie: "Jo host du de net g'numma'?"
"Na," sogt ea' und mocht an Brumma'.

"Du tuast oi'weu' so vü' denka',
stott dass d' auf d' Pui'va'l ta'st hi'g'lenga'!"
Ea' geht hoi't za sein Auta d'raußt',
da'weu' a Auta zuwa'rauscht.

Da No'ba' is' do drinnen g'sess'n
und sogt: "Es hobt's do wos vagess'n:
Zuaspeis fia' engan Mog'n
und a' fia' olle aunda'n Weh und Plog'n!"

Se red'n hoi't a biss'l mitanaund',
weu' mit de Auta kimmst d' eh boi'd nimma' z'saum'.
Daweu' kimmt sie ba da Haustia' aussa'g'rennt:
"Foah' weita', da Dokta' spea't zua," so hot s' g'ment.

"Na, na," sogt ea', mia' hau'm an No'ban, dea' hot 's g'seg'n,
dass auf unsan Plotz ban Dokta des Sackl is' g'leg'n.
dea' hot uns Zwoan des 'brocht,
dass ma hau'm a ruahige Nocht!"

Quellen

Hans Pichler, Hofedl