A Zwiedaling

Es gibt hoit leida Leit',
ba denan is' mit 'n Charakta' net recht weit',
de meas'n Viech und Leit' sekkia'n,
i' glaub', a soichana, dea hot a koa Hia'n.
Den g'freit, waun 's aundare roatzt,
oda wau' an aunda'n a Hund hoit boatz't.
Nua söwa hot 's den üwaroi',
d' Hund meg'n eahm net in gaunz'n Yschpatoi'.
Jo wü' ea va sein Auta aussa kemma,
daun muass a se an Stecka a' mitnehma.
Ea hot a Aungst voa an jed'n Hund,
und wos, glaubst, is do da Grund?
Weu ea an jed'n Hund sekkia't
und doat und do oan nieda fiaht.
So glaubt a ea is' üwaroi bessa drau'
und faungt an jed'n Bledsinn au'.
Ea tuat a Ross und Viecha schrecka,
kimmt ea' mit da Gow'i oda mit'n Stecka.
Leit' au'loig'n tuat a a,
mocht eahm und aundan 's Leb'n schwa',
sekkia't Weib und Kinda,
noameu sogt ma: "Des is' a Spinna."
Natiali wia'd dea a sekkia't
und umadum in d' Irre g'fiah't,
se loig'n eahm daun a au',
ea dazöht 's wei'ra und is daun söwa drau'.
Waunst mi' frogst a wea des is',
"A geh is' des woa, vadaumt!" sogt a, des is' g'wiss.
Glau'm tuat a an jed'n Schmäh',
jo i' sog da: den, wos du moa'st, dea is' eh'!

Zusatzinfos

• boatzn = hetzen
• sekkiat = unnötig reizen
• Gowi = Gabel
• auloig'n = lügen
• natiali' = natürlich

Quellen

Hans Pichler, Hofedl