A Blatt'l Papier

Wos kau' oi's a so a Blatt'l Papier,
za schene Sochan schreu'm brauchan 's mia',
a' zan Zeichna' kau' ma 's va'wend'n,
a' oi's Briaf kau' ma 's va'send'n.
Ma kau' a' Notiz'n drauf mocha',
mia kau' wos aufschrei'm a' zan Locha'.
Owa' mia kau' a' schrei'm
va' große und a' kloane Leid'n.
Mit 'n Bleistift kau' ma wos notier'n,
des kau' ma a' wieda' ausradier'n.
A' a große Freid kau' ma oan' mocha'
und a' a Gedicht'l zan Locha,
oda' a wunda'schein's Büd'l kau' ma moi'n
und braugst net a weu' wos zoi'n.
Zan rechna' und zan List'n Schreib'n,
oda' sunst a poa' liawe Zeil'n.
Oa'foch is', es muass koa' Computer und koa' Handy geih'
und trotzdem kimmt ma weita', und des is' schei'.
Owa' is' mit an' so an' Papierl nix meah' zan richt'n,
daun kau' ma 's mit an Stroafhö'zl a' leicht va'nicht'n,
mia brennt 's gaunz oa'foch au'
und schau' hot ma da Umwö't a' 'wos Guat's 'tau'!

Quellen

Hans Pichler, Hofedl